屋企总会有一个「冇手尾」嘅人，见到佢哋成日乱放嘢，大家嬲唔嬲呢？而今次有一位日本人妻顶唔顺自己嘅老公咁「冇手尾」，所以好搞笑咁开咗个Instagram帐户「公审」老公。虽然佢个帐户已经有20万名粉丝，但佢老公仲未发现自己被「公审」喎！

日本人妻特别开咗个Instagram帐户，放咗好多张相，而全部嘅相都係关于自己老公嘅「冇手尾」生活恶习。从每一个Post中见到，佢老公真係好「冇手尾」。斋睇啲相，睇下大家觉得有冇问题啦～

将污糟嘅衫裤袜周围放、将用过嘅纸巾乱扔、用完纸巾又唔帮手换、饮到一半嘅饮品唔拎去雪等等。真係睇到都觉得呢位老公超级超级超级「冇手尾」。

但呢位日本人妻虽然「公审」老公，但佢一再强调两夫妇关係很好，不过係想记低老公嘅生活习惯，仲希望老公有一日会变成一个整洁嘅人。佢叫网友唔好向一位身高180cm嘅男子展示佢个帐号，担心老公会发现自己被「公审」。